Үүргэвч

Аялалд гарахын өмнө үүргэвчээ баглах мөч хамгийн сэтгэл догдлом байдаг ч хэрэгтэй зүйлсээ хэрхэн багтаах гэдэгт нэлээд цухалддаг нь гэм биш зан. Тэгээд ч энэ удаа гэрээсээ биш дахин эргэж ирэхгүйгээр хөдөлж байгаа болохоор бүх зүйлсээ аваад явахаас аргагүй байлаа. Гэхдээ ч санасныг бодоход гайгүй л дээ. Яагаад гэхээр дэлгүүр хэсэхгүй байхын аргагүй газар 3 сар болчихоод хөдөлж байгаа юм чинь…энэ бол Бостон хот байсан юм.

За одоо, үүргэвч цүнхэндээ юу юуг багтааж замд гарснаа сонирхуулъя. Үндсэндээ 2 цүнхтэй яваа, нэг нь онц шаардлагагүй ихэнх зүйлсээ хийгээд ардаа үүрдэг том үүргэвч, нөгөөх нь комьпютер болон нэн шаардлагатай гэсэн тэмдэглэлийн дэвтэр, ганц нэг ном, залгуур чихэвч, усны сав гэх мэтээ хийгээд урдаа тэвэрчихдэг жижиг үүргэвч. Том үүргэвч 17, жижиг нь 4,2 килограмм байналээ.

16403356_10209834029419811_1595516862454878056_o-1

Өвөл цагийн үүргэвчтэй аялагч гэж өөрийгөө тодорхойлбол үнэхээр авсаархан явж байна. Тун нимгэн хөнгөн материалтай хоёрхон ээлжийн хувцастай, харин илүүц гэж болохуйц нэг юм нь эдгээр номнууд байж магадгүй. Энэхүү 20 орчим ном 6 кг болсон. Бостонгоос хөдлөхөөсөө өмнө уншсан болон онц ач холбогдолгүй гэж үзсэнээ номын санд өгсөн боловч тунаж үлдчихээд цүнхлэхээс өөр сонголт байсангүй.

20170206_214802

Баян-Өлгий аймгийн Өлгий хотод амьдардаг нэг найз маань казак түмний өв соёлыг хадгалан, бусдад суртчилах чиглэлийн бизнес эрхэлдэг юм. Түүнээсээ авч гарсан хэдэн цүнх болон хонины ноосон бүтээгдэхүүн сонирхсон нэг хүнд дээж болгож авчирсан зүйлсээс цөөхөн хэд үлдсэнийг хонуулсан айлууддаа гарын бэлэг болгохоор авч яваа. Бусдаар бол гоочлоод байх зүйлс үнэндээ алга.

20170206_214631

Өчигдөр орой Сас болон хөрштэй нь хамт 3-уулаа Виржинэс гэх жижиг хотруу орчихоод ирэх замдаа суурьшмал болон нүүдэлчин соёл иргэншлийн сул, давуу талуудын тухай яриа хөндлөө. Тэдний хувьд гэр бүлтэй болоод л нэг газраа төвхнөчихдөг болохоор тавилга, хувцас хунар, хүүхдийн тоглоом энээ тэрээ гэсээр нэг мэдэхэд л хэрэгцээнээс хэтэрсэн эд материаллаг зүйлс цугларчихсан байдаг бөгөөд түүндээ хүлэгдчихдэг гэлээ. Харин бидний хувьд бол эртнээс байн байн нутаг сэлгэж ирсэн учраас амьдралынхаа хэв маягт тохируулан авсаархан явж ирсэн сайхан уламжлалтай билээ.

Би ч гэсэн үүргэвчээ баглах бүрдээ л минималист байх ямар их давуу талуудтай болохыг ойлгох юмдаа…

 

Advertisements

One thought on “Үүргэвч

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s